Hainbat kanta zuen eskura

Kantaren bat jarri nahi nuen eta hara zer topatu dudan:

http://www.badok.info/audio.php

Bertan hainbat euskal kantariren kanta dituzue. Espero dut bakoitzak bat iradokitzea besteoi, ahal bada historia txikia eginez.

NIk Erramun Martirikorenaren “Xalbadorren heriotzean” gomendatu nahi dizuet. Xabier Leteren letrak dira eta “Xalbador” Urepeleko (Baxe Nafarroa) bertsolari ezagunari egindako bertsoak dira. Euskal Kantarik Onena aukeratua izan zen EITBk egindako txapelketan.

Jakingo duzuenez, “Xalbador” artzaina oso bertsolari sentibera zen. Bere bertso asko euskarari eta “maiteari” eginak izan ziren, denak ere sakontasun handikoak. Bere omenaldi egunean bihotzekoak jota hil zen taula gainean eta hortik sortu ziren kanta honetako hitzak:

Xalbadorren heriotzean

Adiskide bat bazen
benetan bihozbera
poesiaren hegoek
sentimenduzko bertsoek
antzaldatzen zutena.

Plazetako kantari
bakardadez josia
hitzen lihoa iruten
bere barnean irauten
oinazez ikasia…ikasia

Non hago, zer larretan
Urepeleko artzaina
mendi hegaletan gora
oroitzapenen gerora
ihesetan joan hintzana. (Bis)

Hesia urraturik
libratu huen kanta
lotura guztietatik
gorputzaren mugetatik
aske sentitu nahirik.

Azken hatsa huela
bertsorik sakonena
inoiz esan ezin diren
estalitako hegien
oihurik bortitzena… bortitzena

Non hago….

Kategoria: Sailkatugabeak. Gorde lotura.

6 erantzun Hainbat kanta zuen eskura-ri

  1. egilea: arkaitz

    Hona xalbadorri buruzko informazio apur bat. Merezi du ezagutzea

    http://eu.wikipedia.org/wiki/Xalbador

  2. egilea: Aitor

    mayday, mayday! Zer esan gure dau abestian agertzen den “hitzen lihoa iruten” ?????

  3. egilea: jaione ogiza

    Egun On
    idearik ez zer den ” hitzen lihoa iruten”, baina begiratu dut zer esan nahi zuen “urratu” eta hitzak zenbat adiera dezberdin dituen harrituta utzi nau.
    Guzti hauek:
    du ad.
    rasgar, desgarrar
    Erori eta soinekoa urratu zuen: se cayó y se desgarró el vestido.
    2 du ad.
    rasguñar, arañar, raspar; desgarrar; irritar, herir
    Sasi artean ibili eta urratu duzu azala: andando entre las zarzas te has arañado la piel.
    Eztarria urratuta dut: tengo la garganta irritada.
    3 du ad.
    romper, fracturar, hacer pedazos, quebrar
    Etxola txar erdi urratu batean: en una chabola mala y medio rota.
    4 du ad.
    separar, deshacer, romper
    Urra al daiteke ezkontza?: ¿se puede deshacer el matrimonio?
    5 du ad. bidea, ildoa
    abrir, hacer
    Bide berriak urratu: abrir nuevos caminos.
    Goldeaz ildoak urratuz: abriendo surcos con el arado.
    6 du ad. legea, agindua
    quebrar, quebrantar, faltar a, infringir
    Nik ez dut bosgarren agindua urratzen: yo no falto al quinto mandamiento.
    Legea urratu zuen: infringió la ley.
    7 du ad.
    borrar
    Letra haiek urratzen: borrando aquellas letras.
    Ezin urratuzko aztarrena utzi du betiko: ha dejado una huella indeleble para siempre.
    8 du ad. (hed.) marka, errekorra
    mejorar, batir
    Badirudi hemen bere marka guztiak urratu beharrean aritu zaigula: parece que aquí, se ha visto en la necesidad de batir todas sus marcas.

  4. egilea: arkaitzzarraga

    Urratu, kasu honetan “hesia urratu”, hesia apurtu esan nahi du. Esan bezala, hil egin zen eta bere gorputzaren hesiak gainditu zituela adierazi zuen.
    eta lihua iruten, lihua da “lino” eta irun “hilar”. Kasu honetan esan nahi du hitzak josi egiten zituela eta horrela hitzen oihal eder bat egin (nire interpretazioa da, e?)

  5. egilea: Iratxe

    Egun on!!. ziuraski ikusita dekozue, baina badaezpada hemen uzten dizuet bideo hau. Madonna “sagarra jo” abesten, txalapartak eta guzti!!!!!!!!!!
    http://www.eitb.com/es/cultura/musica/detalle/895923/madonna-canta-sagarra-jo-junto-kalakan/

  6. egilea: Aitor

    Beste proposamen bat luzatzen dizuet, Mikel Urdangarinek “Badira hiru aste” diskan sartu zauen “Gaur gurutzatu gara” kanta, amama guztiei eskeinita, unkigarria…
    Letra doakizue eta esteka abestia entzuteko baita ere: http://youtu.be/5jWSh4j0XS4
    Baietz norbaiteri negar anpuluak urtengo jakozala, hurrengokoan beste bat kaineroagoa.

    Gaur gurutzatu gara
    Sarritan antzera
    Su bertan jezarrita
    Ni kalean behera
    Zure itxura ez da
    Betiko berbera
    Begien tristezia
    Ohikoa ote da
    Gaur ondora natortzu
    Lagun egitera

    Ez al daukazu seme
    Inorako asmorik?
    Lagunengana noa
    Ez dago presarik
    Zeuk be bazenduala
    Dantza kuadrilarik
    Ta urteak doazela
    Konturatu barik
    Zoaz gazte ez galdu
    Nigaz denborarik

    Esku hartu deutzut
    Egunon amama
    Zelan dabil gaurkoa
    Gure auzoko dama
    Aurpegi zimurtua
    Present iragana
    Berbarik ez, keinu bat
    Zuzendu nigana
    Irribarre honegaz
    Esan dozu dana

    Atzo larogeitabost,
    Soinean jantzia
    Zeinek esango leuke
    Hain maja ikusita
    Lobak ein eutzuela
    Egunez bisita
    Baina gaur bizitzagaz
    Eukiela zita
    Beitu amama zelango
    Oskarbi polita

    Denboraren jagole
    Ta haren menpeko
    Poztasunik balego
    Zeugaz banatzeko
    Musu bat emon doutzut
    Irri bat hartzeko
    Biharko lotu gara
    Kartetan eiteko
    Irabazita ondo
    Galduta hobeto

Erantzunak itxita daude.