BALENTIN: BIHOTZAK TIN-TIN?

Bueno, badakigu udaletako langileok ez dugula oso erromantikoak izateko fama, baina seguru gure artean ere badirela ezkutuko Romeo eta Julietak ere. Gu geu (batez ere Iñi) oso, baina oso erromantikoak gara eta proposamena dugu, gaur bikoteari edo bikote izatea nahi duzuen horri kantatzeko.Sekula izan den euskarazko kantarik erromantikoena inondik ere.

Nere Herriko neskatxa maite

Nere herriko neskatxa maite
ahozko lorez zaitut gaur laztantzen
itsaso garden, lur gozoko landare
kresalaren usain, zeru kolore
nere bihotzaren taupaden hotsez
zure grazia dut kantatzen.

Bihotz minberen egunsentia
herri sufrituaren lamia
ipuin zaharren piper eta eztia
erreka garbien kantu bitxia
udazken lizunez zaude jantzia
izar zerutarren irria.

Lanbro artetik itsas geldira
leunki zoazen txori airosa
amodiozko sentipenaren hatsa
zure ezpainetan loratuz doa
goizeko ihintzetan belardi zera
eguzkitan zilar dizdira.

Animo eta bota zuen proposamenak ere!

Kategoria: Sailkatugabeak. Gorde lotura.

7 erantzun BALENTIN: BIHOTZAK TIN-TIN?-ri

  1. egilea: SILVIA

    Batzuek hobeto ez badute kantatzen. Ni filosofikoa jarriko naiz. San Balendin egun guztietan izan behar da. Jejejeje
    Beste proposamen bat, oso modernoak garenontzako emotikonoak behar dira, Whatssapen moduan.

  2. egilea: Aitor

    beste abesti bat san balentin egunerako aproposa, hau baino pastelagorik?
    http://www.youtube.com/watch?v=_5fS6JNEm0o

    • egilea: Arkaitz Zarraga Azurmendi

      EEEhhh
      Valgañoooonnn, zuk asko dakizu neskak “girotzeaz” EEEE!! NIk ez dakit zenbat denbora eman nuen kanta hau gitarrakin ikasi arte eta orain (orain jada ez!) guztiei kanta bera kantatzen nien!!

      Goloxote!

    • egilea: arkaitz

      Valgañon golosssooooonnn
      zuk badakizu neskak nola goxatu eee!! Nik kanta hori kitarraz ikasteko denbora luuuzea eman nuen eta gero guztiei kantatzen nien!! egia esan, jada ahaztuta ia-ia…

  3. egilea: Iñigo

    Arkaitzek nitaz bota duena bestelakoa iruditu arren, niretzat honelako egunak melengak, gozoegiak, eztiegiak, gogaikarriak eta pasteloiegiak dira… uffff ze nazka!!!!!

  4. egilea: Asier

    Esan ohi da musika talde “heavy”-ek balada erromantiko goxoenetarikoak konposatu dituztela.

    Euskal talde “heavy” edo “gogorrek” (“pisudunak” edo “pisutsuak” literalki hobeto -hiztegian begiratuta, noski-) bere alde xamurra ere badute. Hona bi adibide:

    SUTAGAR “Hitz margotuak”

    http://www.youtube.com/watch?v=cH9XWkRpbVc

    Laino beteak
    hego haizean badoaz.
    Argi izpi bat
    eguzkirako bidean.
    Nere itzalaren
    fideltasuna agerian.
    Izaki bakarti
    zoriontsu eta tristea.

    Izan nahi nuke
    maitasun hitz ororen
    jabe, amodioa
    haur jolas bihurtu arte.
    Hitz margotuak
    eskutitz batean sartuak,
    bidaltzen dizkizut
    mila aldiz laztanduak.

    Bihar ere
    egongo naiz,
    bihar zure
    maitasunik gabe.

    Hitz margotuak,
    amodioa,
    mila aldiz laztanduak
    eskutitz batean
    bidaltzen dizkizut
    lorez apainduak.

    Bihar ere…

    LATZEN “Laztana”

    http://www.youtube.com/watch?v=Xtx7peOulns

    Eztarriko korapil sendo hau
    nahi nuke askatzea
    kantu hau bukatzean
    ezagutu zenuen sumendia
    etengabe su jauzian
    itzaltzen doa orain.

    Aitortzen dut
    haseran jolas soil bat zen
    haragiaren gosea
    mila mozkorren azkena
    Barkaidazu baina oraingo hontan
    ni naiz babes eske datorrena
    fideltasunaren ardura.
    Aldatu naiz
    zurekin pentsatzeak
    odola irakiten dit
    ezintasuna dakarkit, zu gabe.

    Inoiz ez dut sinistu amodioan
    sexuaren indarrak
    estali dizkit begiak
    azkenik neri ere iritxi zait
    sentimendu garaia
    sentitzeko garaia.

    Aitortzen dut….

    Burua galtzen hasi naiz
    inor ez bezela maite zaitudalako
    benetan.

    Ondo izan!

  5. egilea: Iñigo

    OOOOOOOHHHHHHHH!!!!! Asier hunkitu egin gaituzu….

Erantzunak itxita daude.